තෙවන තරඟය ශ්‍රී ලංකාව පරාදයි - ජය එංගලන්තයටයි

ශ්‍රී ලංකාව සමග පැවැති තෙවැනි එක්දින තරඟය කඩුලු 5කින් ජය ගැනීමට එංගලන්ත කණ්ඩායම මීට ටික වේලාවකට පෙර සමත් විය.

වර්ෂාව හේතුවෙන් පන්දුවාර 35ට සීමාවූ මෙම තරඟයේ පළමුවෙන් පන්දුවට පහරදුන් ශ්‍රී ලංකා කණ්ඩායම කඩුලු 8කට ලකුණු 242ක් ලබා ගන්නා ලදී.

ඒ අනූව ඩක්වත් ලුවිස් න්‍යාය යටතේ එංගලන්තයට පන්දුවාර 35දී මෙම තරඟය ජය ගැනීම සඳහා ලකුණු 236ක ඉලක්කයක් ලැබුණු අතර ඔවුන් පන්දුවාර 33.පන්දු 2දී ජය වාර්තා කිරීමට සමත් විය.

එංගලන්තය ජයග්‍රහණය කරාගෙන ගිය ජොස් බට්ලර් නොදැවි ලකුණු 55ක් හා ජොයි රූට් ලකුණු 48ක් ලබා ගැනීමට සමත් වූ අතර තරඟ 7කින් සමන්විත තරඟාවලිය 2ට 1ක් ලෙස ගෙන ඒමට එංගලන්තය ඒ අනූව සමත්කම් ලැබීය.

සිව්වැනි තරඟය ලබන 6දා කොළඹදී පැවැත්වීමට නියමිතය.