ශ්‍රී ලංකාව සහ අමෙරිකාව අතර පවතින සබඳතා ශක්තිමත් කිරීමට අමෙරිකානු රජයේ සහයෝගය ලබාදෙන බව ශ්‍රී ලංකාවේ අමෙරිකානු වැඩබලන තානාපති ඇන්ඩ්‍රෝ මාන් මහතා ප්‍රකාශ කර තිබේ.
ඇන්ඩ්‍රෝ මාන් මහතා සෞඛ්‍ය අමාත්‍යාංශයේ දී සෞඛ්‍ය හා දේශීය වෛද්‍ය අමාත්‍ය රාජිත සේනාරත්න මහතා මුණගැසුණු අවස්ථාවේ දී මේ බව සඳහන් කළ බව සෞඛ්‍ය අමාත්‍යාංශය පවසයි.
ශ්‍රී ලංකාව අග්නිදිග ආසියාවේ ඉතාමත් ඉහළ සෞඛ්‍ය දර්ශකයන් ලබාගැනීමට සමත්වීම පිළිබඳව ද ඇන්ඩ්‍රෝ මාන් මහතා එහිදි සිය ප්‍රසාදය පළ කර තිබේ.
එමෙන්ම නව රජයට සුභාශිංසන එක්කළ වැඩබලන අමෙරිකානු තානාපතිවරයා දෙරට අතර දීර්ඝ කාලීන මිතුදමක් පවතින බවත්, එය තවදුරටත් ශක්තිමත් කිරීමට පියවර ගන්නා බවත්, ද එහිදි ප්‍රකාශ කළේය.
ශ්‍රී ලංකාව කලාපයේ සෙසු රටවලට වඩා සෞඛ්‍ය දර්ශකවලින් ඉදිරියෙන් සිටින්නේ නිදහසින් පසු බලයට පත් වු සෑම රජයක් විසින්ම ක්‍රියාත්මක කළ නිදහස් සෞඛ්‍ය සේවාව හේතුවෙන් බව සෞඛ්‍ය හා දේශීය වෛද්‍ය අමාත්‍ය රාජිත සේනාරත්න මහතා එහිදී පවසා ඇත.
Post a Comment