මහියංගණය, නිදන්ගල ප්‍රදේශයේ දී මෛත්‍රීපාල සිරිසේන මහතාගේ ආධාරකරුවන් තිදෙනෙකුට පහරදී මැතිවරණ ප්‍රචාරක කාර්යාලයකට හානී සිදුකිරීමේ සිද්ධිය සම්බන්ධයෙන් සැකකරුවන් සිව්දෙනෙකු අත්අඩංගුවට ගෙන තිබේ.
පොලිස් මාධ්‍ය ප්‍රකාශක කාර්යාලය සඳහන් කළේ මහියංගණය පොලීසිය විසින් මෙම සැකකරුවන් අත්අඩංගුවට ගෙන ඇති බවයි.
පසුගිය ඉරිදා මෙම ප්‍රහාරය එල්ල කර තිබු අතර සිද්ධියෙන් තුවාල ලැබු පුද්ගලයින් මේ වන විට මහියංගණය රෝහලේ ප්‍රතිකාර ලබන බව සඳහන්ය.
අත්අඩංගුවට ගත් සැකකරුවන් මහියංගණය මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන මස 06 වන දින දක්වා රක්ෂිත බන්ධනාගාර ගත කර ඇති බව පොලීසිය සඳහන් කර සිටියේය.
.jpg)
Post a Comment