මත්ද්‍රව්‍ය ජාවාරමක් සම්බන්ධයෙන් මරණ දඬුවම නියම වී තිබු ඉන්දීය ධීවරයින් පස්දෙනා ඉන්දීය බලධාරීන් වෙත බාරදී තිබේ.
ජනාධිපතිවරයාගේ උපදෙස් මත මෙම පියවර ගෙන ඇති බව ජනාධිපති ප්‍රකාශක මොහාන් සමරනායක මහතා ප්‍රකාශ කළේය.
ඒ අනුව අද (19) දහවල් ඔවුන් මෙරට ඉන්දීය මහකොමසාරිස් කාර්යාලය වෙත බාරදී තිබේ.
පසුගිය ඔක්තෝබර් මස 30 වනදා කොළඹ මහාධිකරණය විසින් අදාළ ඉන්දීය ධීවරයින් පස් දෙනාට මරණ දඬුවම නියම කරන ලදී.
කෙසේ වෙතත් මේ සම්බන්ධයෙන් සාධාරණ පියවරක් ගන්නා ලෙස ඉන්දීය බලධාරීන් අවස්ථා කිහිපයකදීම ඉල්ලීම් කළ බව වාර්තා විය.
Post a Comment