මෙරට සෑම ප්‍රධාන මහමාර්ගයක්ම ආවරණය වන පරිදි සෑම ප්‍රධාන නගරයකම ලංකා සතොස අලෙවිසැල් ගොඩනැගීම ලබන මාසයේ ආරම්භ කරන බව සමූපකාර හා අභ්‍යන්තර වෙළඳ කටයුතු අමාත්‍යංශය පවසයි.
මේ යටතේ ලංකා සතොස අලෙවිසැල් සියයක් විවෘත කිරීමට සැලසුම් කර ඇති බව සමූපකාර හා අභ්‍යන්තර වෙළඳ කටයුතු අමාත්‍ය ජොන්ස්ටන් ප්‍රනාන්දු මහතා සඳහන් කළේය.
දැනට දිවයින පුරා ලංකා සතොස අලෙවිසැල් 300 ක් විවෘත කර ඇති බව ද අමාත්‍යවරයා ප්‍රකාශ කර ඇති බව සඳහන් වෙයි.
මෙමගින් පාරිභෝගිකයින්ට අත්‍යාවශ්‍ය භාණ්ඩ වඩාත් පහසු මිලට මිල දී ගැනීමට හැකිවනු ඇති බව සමූපකාර හා අභ්‍යන්තර වෙළඳ කටයුතු අමාත්‍යංශය පැවසුවේය.
Post a Comment