ජාතික හෙළ උරුමය පක්ෂයේ සභාපති පුජ්‍ය අතුරලියේ රතන හිමියන් වැඩවෙසෙන රාජගිරියේ පිහිටි විහාරස්ථානයට අයත් භූමිය තමන්ට ලබාදෙන ලෙස ඉල්ලා පිරිසක් ඊයේ උද්ඝෝෂණයක නිරත වූහ.
උද්ඝෝෂකයින් ඉල්ලා සිටින්නේ අක්කර පහමාරක පමණ භූමියක් අදාළ විහාරස්ථානයට ලබාදීම හේතුවෙන් තමන් දුෂ්කරතාවට පත්ව සිටින බවයි.
එම පිරිස විරෝධතා පාගමනින් කෝට්ටේ මහනගර සභාවට ගිය අතර ඒ සම්බන්ධයෙන් කඩිනමින් කටයුතු කරන බව කෝට්ටේ නගරාධිපති ජනක රණවක මහතා ප්‍රකාශ කළේය.
කැබිනට් අනුමැතියක් යටතේ 2007 වසරේ දි අන්තර්ජාතික බෞද්ධ තොරතුරු පර්යේෂණ ආයතනයක් ඇතුළු ශාසනික කටයුතු වෙනුවෙන් අදාළ ඉඩම සඟ සතු කොට පවරා දි තිබේ.
කෙසේ වෙතත් අතුරලියේ රතනහිමියන් එක්සත් ජනතා නිදහස් සන්ධානයෙන් ඉවත්වීම හේතුකොට ගෙන උන්වහන්සේට අනිසි ලෙස බලපෑම් කිරීමේ අරමුණෙන් මෙම උද්ඝෝෂණ ව්‍යාපාර සංවිධානය කර ඇති බව දේශපාලන ආරංචි මාර්ග පවසයි.
Post a Comment