නීති විරෝධීව රත්‍රං තොගයක් රැගෙන ඩුබායි හි සිට පැමිණි පුද්ගලයෙකු කටුනායක ජාත්‍යන්තර ගුවන් තොටුපළේ දී අත්අඩංගුවට ගෙන තිබේ.
පොලිස් මත්ද්‍රව්‍ය කාර්යංශයේ නිලධාරීන් කණ්ඩායමකට ලැබුණු තොරතුරකට අනුව සැකකරු අත්අඩංගුවට ගෙන ඇති බව සඳහන් වෙයි.
සැකකරු පරීක්ෂා කිරිමේ දී ඔහු පැළඳ සිටි බඳ පටියේ සඟවා තිබු රන් කැබලි 20 ක් සොයා ගෙන තිබේ.
එම රත්‍රං වල බර කිලෝ ග්‍රෑම් 2 ක් පමණ වන බව පොලිසිය සඳහන් කළේය.
අත්අඩංගුවට ගත් සැකකරු කොළඹ 12, හුසේනියා වීදිය ප්‍රදේශයේ පදිංචිකරුවෙකු වන අතර ඔහු වැඩිදුර විමර්ශන සඳහා රේගු කාර්යාලය වෙත බාර දි තිබේ.
Post a Comment