අයවැය දෙවනවර කියවීමේ පළමු වටයේ ඡන්ද විමසීමේ දී ඡන්දය ප්‍රකාශ කිරීමෙන් වැළකීමට ජාතික හෙළ උරුමය තීරණය කර තිබේ.
නිවේදනයක් නිකුත් කරමින් එම පක්ෂය සඳහන් කළේ ශ්‍රී ලංකා නිදහස් පක්ෂය සමඟ තම යෝජනා සම්බන්ධයෙන් අවසන් තීරණයකට මෙතෙක් එළඹීමට නොහැකි වීම මෙම තීරණයට හේතුව වන බවයි.
ජනාධිපතිවරණයට පෙර ව්‍යවස්ථා සංශෝධන සහ දේශපාලන ප්‍රතිසංස්කරණ සිදුකළ යුතු බව ඉල්ලා ජාතික හෙළ උරුමය රජයට යෝජනා කිහිපයක් ඉදිරිපත් කර ඇත.
ඒ සම්බන්ධයෙන් දෙපාර්ශවයේ නියෝජනයෙන් අනුකමිටුවක් පත්කර ඇති අතර එමගින් මෙතෙක් අවසන් තීරණයකට එළඹ නැත.
මේ අතර අයවැය දෙවනවර කියවීමට අදාළ ඡන්ද විමසීම හෙට පැවැත්වෙන අතර අයවැය තෙවනවර කියවීමේ ඡන්ද විමසීම පැවැත්වෙන්නේ නොවැම්බර් 24 වෙනි දිනය.
Post a Comment