පුත්තලමේ - මන්නාරම දක්වා ඇති මාර්ගය එළුවන්කුලම ප්‍රදේශයේදී වසා දමා ඇති බව පුත්තලම ආපදා කළමණාකරන ඒකකය පවසයි.
කලාඔයේ ජල මට්ටම ඉහළයාම මෙම තත්ත්වයට හේතු වී ඇති බව අද දෙරණ වාර්තාකරු පවසයි.
විල්පත්තුව ජාතික වනෝද්‍යානය මැදින් ඇති මෙම මාර්ගය එළුවන්කුලම ප්‍රදේශයේදී කලාඔය හරහා ගමන් කරන්නේ සපත්තු පාලමක් මතිනි.
කලාඔයේ ජල මට්ටම ඉහළයාමත් සමගම මෙම ස්ථානයේ ජලයද ඉහළ යන බැවින් තාවකාලිකව එම මාර්ගය වසා දැමීමට බලධාරීන් කටයුතු කරති.
ඒ අනුව පුත්තලමේ සිට එළුවන්කුලම හරහා මන්නාරම දක්වා ගමන් නොකරන ලෙස ආපදා කළමණාකරන ඒකකය මහජනතාවගෙන් ඉල්ලීමක් කරයි.
Post a Comment