ගාල්ල, හබරාදුව කළුගල, ග‍්‍රාමීය රෝහල අසළ නිවසක පදිංචිව සිටි අඹුසැමි යුවළක් අතර වූ ආරවුලක් දුරදිග යාමෙන් බිරිඳගේ ගෙල කපා සැමියා සියදිවි හානිකරගෙන තිබේ.
අද (29) දහවල් සැමියා විසින් සිය බිරිඳ ගේ ගෙල පිහියකින් කපා ඔහු නිවසේ බාල්කයේ ගෙල වැලලාගෙන මියගොස් ඇති බව අද දෙරණ වාර්තාකරු පවසයි.
පහරකෑමට ලක්වූ ස්ත්‍රීයගේ ගෙල පෙදෙසට බරපතල තුවාළ සිදුවී ඇති බවත්, ඇය මීට ස්වල්ප වේලාවකට පෙර ගාල්ල කරාපිටිය ශික්ෂණ රෝහලට ඇතුළත් කර ඇති බවත් සඳහන්ය.
අඹුසැමි යුවළ අතර, දීර්ඝ කාලයක සිට මත ගැටුම් හා රණ්ඩු සරුවල් පැවති බව අසල්වැසියෝ පවසති.
ජීවිතක්ෂයට පත්ව ඇත්තේ ගම්වැසියන් මහතුන් ලෙස හඳුන්වන පනස් වියැති කුලී වැඩ කිරීමෙන් ජීවිකාව සරිකරගත් පුද්ගලයෙකි.
ගාල්ල ශික්ෂණ රෝහලේ ප්‍රතිකාර ලබන කාන්තාවගේ වයස අවුරුදු 45 කි.
සිද්ධිය සම්බන්ධයෙන් හබරාදුව පොලිසිය පරීක්ෂණ සිදු කරයි.
Post a Comment