පවතින අයහපත් කාලගුණ තත්ත්වයත් සමඟ දිවයිනේ දිස්ත්‍රික්ක 06 ට නායයෑමේ අනතුරු ඇඟවීම් නිකුත් කර තිබේ.
ජාතික ගොඩනැගිලි පර්යේෂණ සංවිධානය සඳහන් කළේ බදුල්ල, මහනුවර, නුවරඑළිය, රත්නපුර, මාතලේ කළුතර යන දිස්ත්‍රික්ක සඳහා මෙම නායයැමේ අනතුරු ඇඟවීම් නිකුත් කර ඇති බවයි.
පවතින වැසි සහිත කාලගුණ තත්ත්වය හේතුවෙන් පස්කඳු කඩා වැටීම්, ඉවුරු කඩාවැටීම් සහ ගල් පෙරළීම් වැනි දෑ සිදුවිය හැකි බැවින් ඒ පිළිබඳ අදාළ දිස්ත්‍රික්වල ජනතාව වැඩි අවධානයක් යොමුකළ යුතු බව ජාතික ගොඩනැගිලි පර්යේෂණ සංවිධානය සඳහන් කළේය.
මේ අතර , නුවරඑළිය සහ මහනුවර දිස්ත්‍රික්කවල මාර්ග කිහිපයක් ද නායයෑමේ අවදානම් සහිත මාර්ග ලෙස ජාතික ගොඩනැගිලි පර්යේෂණ සංවිධානය ප්‍රකාශයට පත් කර තිබේ.
Post a Comment