ආරච්චිකට්ටුව ප්‍රාදේශීය සභාවේ එක්සත් ජනතා නිදහස් සන්ධාන මන්ත්‍රී එම්.ප්‍රභාත් ප්‍රනාන්දු මහතා අත්අඩංගුවට ගෙන තිබේ.
ඊයේ (22) සවස හලාවත නගරයේ වැල්ල ප්‍රදේශයේදී මොහු අත්අඩංගුවට ගත් බව හලාවත පොලීසිය කියයි.
හලාවත පොලීසියට අනියුක්තව මත් කුඩු වැටලීම් සම්බන්ධයෙන් කටයුතු කරන පොලිස් නිලධාරීන් පිරිසක් සමග බහින් බස් වීමක් ඇති කරගෙන තමන් පොලීසියේ නිලධාරියෙකු ලෙස පෙනී සිටීම ප්‍රදේශීය සභා මන්ත්‍රීවරයාව අත්අඩංගුවට ගැනීමට හේතුව බව සඳහන්ය.
අත්අඩංගුවට ගන්නා අවස්ථාවේදී සැකකාර මන්ත්‍රීවරයා බීමතින් සිට ඇති බව අප වාර්තාකරු කියයි.
සැකකරු හලාවත දිසා අධිකරණයට ඉදිරිපත් කිරීමට නියමිතව ඇත.
හලාවත මූලස්ථාන පොලිස් පරීක්ෂක ඩබ්ලිව්.හේරත් මහතා ඇතුළු නිලධාරීන් වැඩිදුර විමර්ශන කටයුතු කරගෙන යයි.
Post a Comment