සිංගප්පූරුවේ නිර්මාතෘවරයා මෙන්ම එරට කීර්තිමත් අග්‍රාමාත්‍යවරයෙකු වූ ලී ක්වාන් යූ අභාවප්‍රාප්ත වී තිබේ.
මිය යන විට 91 වන වියේ පසු වූ හෙතෙම දින ගණනාවක් රෝගාතුරුව සිට ඉකුත් දින කිහිපයයේ අසාධ්‍ය තත්ත්වයට පත්වූ බව එරට පුවත් සේවා අනාවරණය කරන ලදී.
කුඩා නගරයක්ව පැවති සිංගප්පූරුව බ්‍රිතාන්‍යයෙන් නිදහස ලබා මැලේසියාවෙන් වෙන්කර ස්වාධීන රාජ්‍යයක් ලෙස ස්ථාපිත කළ ලී ක්වාන් යූ මහතා වසර 31 ක් එරට අග්‍රාමාත්‍යවරයා ලෙස පාලනය හෙබවීය.
ඔහුගේ ජීවිතක්ෂයට පත්වීම නිවේදනය කළ එරට වත්මන් අග්‍රාමාත්‍ය ලී සෙයින් ලූන් මහතා කියා සිටියේ ඔහු නිදහස් වෙනුවෙන් පුරෝගීව සටන් කළා පමණක් නොව සිංගප්පූරු වැසියන් බව ලොවට ආඩම්බරයෙන් හඬ නගා කීමට හැකි ලෙස ජාතිය ගොඩනැඟූ බවයි.
Post a Comment