ද්‍රවිඩ ජාතික සන්ධානයේ පාර්ලිමේන්තු මන්ත්‍රී නඩරාජා රවිරාජ් මහතාගේ ඝාතනය සම්බන්ධයෙන් නාවික හමුදා සාමාජිකයින් තිදෙනෙකු අත්අඩංගුවට ගෙන තිබේ.
පොලිස් මාධ්‍ය ප්‍රකාශක සහකාර පොලිස් අධිකාරී රුවන් ගුණසේකර මහතා කියා සිටියේ අපරාධ පරීක්ෂණ දෙපාර්තමේන්තුවේ නිලධාරීන් විසින් මොවුන් අත්අඩංගුවට ගෙන ඇති බවයි.
අදාළ නාවික හමුදා සාමාජිකයින්ගෙන් දෙදෙනෙකු මේවන විට සේවයේ නැති අය බවත්, අනෙක් කෙනා තවදුරටත් සේවයේ නිරත අයෙකු බවත්, ඒ මහතා පැවසීය.
2006 නොවැම්බර් මස 10 වැනිදා නඩරාජා රවි රාජ් මන්ත්‍රීවරයා කොළඹදී වෙඩි තබා ඝාතනය කර තිබුණි.
මේ අතර පසුගියදා වත්තල පැවැති උත්සවයකදී මහජන ආරක්ෂාව පිළිබඳ අමාත්‍ය ජෝන් අමරතුංග මහතා කියා තිබුණේ සන්ඩේ ලීඩර් පුවත්පතේ කතෘ ලසන්ත වික්‍රමතුංග මහතා ඝාතනය හා රවිරාජ් ඝාතනය ගැන ඉදිරි දින කිහිපයේදී වැදගත් තොරතුරු හෙළි වනු ඇති බවකි.
Post a Comment