ආණ්ඩුක්‍රම ව්‍යවස්ථාවේ 34 වැනි වගන්තිය යටතේ හිමි බලතල ප්‍රකාරව ජනාධිපති මෛත්‍රිපාල සිරිසේන මහතා විසින් පසුගියදා සරත් ෆොන්සේකා මහතාට පූර්ණ ජනපති සමාවක් ලබාදුන්නේය.
ඒ අනුව ඔහුට තරු හතරේ ජෙනරාල්, පදක්කම, විශ්‍රාම වැටුප සහ ඔහු සේවයේ යෙදෙමින් දේශපාලනය කිරීමට හා සිරගත කිරීම නිසා යුද හමුදා අධිකරණය විසින්, 2010 දී ඉවත් කරන ලද සියලු වරප්‍රසාද ජෙනරාල් සරත් ෆොන්සේකා මහතාට හිමිය.
ඒ අනුව, ජෙනරාල් ෆොන්සේකා, රණ ශූර පදක්කම (RSP,), Vishishta සේවා විභූෂණ (වීඑස්වී), උත්තම සේවා පදක්කම (USP) සහ ඔහුගේ වෘත්තීය ජීවිතය තුළ ඔහු වෙත ලබා දුන් වෙනත් සියලු රණවික්‍රම පදක්කම (RWP) පැළඳීමට හැකිය.
ත්‍රස්තවාදය පරාජය කිරීමට යුද බිමේදී ඔහු ලබාදුන් නායකත්වය අගයමින්, 2009 මැයි 18 වන දින ඔහු වහා ජෙනරාල් නිලයට උසස් කරන ලද අතර 2009 ජූලි මස 14 වැනිදා ඔහු ආරක්ෂක මාණ්ඩලික ප්‍රධානී තනතුර පත් කරන ලදී.
කෙසේ වුවද ඔහු යුද හමුදා සේවයේ යෙදෙමින් දේශපාලනය කළ බැව් කියමින් යුදාධිකරණය විසින් හෙතෙම වරදකරු කර සිරගත කළේය.
ජෙනරාල් සරත් ෆොන්සේකා මහතාට යළි හිටපු ජනපති මහින්ද රාජපක්ෂ මහතාම ජනපති සමාව දුන් අතර නැවත ඔහු දේශපාලනයට පිවිසිණ.
මේ අතර පූර්ණ ජනපති සමාව හිමිවූ සරත් ෆොන්සේකා මහතාට ඔහුගේ ඡන්ද අයිතිය ද ඒ අනූව ලබාදුන් බව මැතිවරණ මහලේකම් කාර්යාලය කියයි.
ඉකුත් රජය යටතේ ෆොන්සේකා මහතාට කලක් ඡන්ද අයිතිය අහිමිව තිබිණ.
Post a Comment