ලංකා විදුලි බල මණ්ඩලයේ සේවය කරන 4800 ක් පමණ වන මෑන් පවර් සේවකයින් ස්ථීර කරන ලෙස ඉල්ලා ලංකා විදුලි සේවක සංගමය විසින් සංවිධානය කරනු ලැබූ විරෝධතා ව්‍යාපාරයක් හේතුවෙන් කොම්පඤ්ඤවීදිය ආශ්‍රිත දැඩි රථ වාහන තදබදයක් නිර්මාණය වී තිබේ.
දෙසැ. 01 දින සිට විදුලිබල මණ්ඩලයේ මෑන් පවර් සේවකයින් ස්ථීර කරන බවට විදුලිබල හා බලශක්ති අමාත්‍යවරිය නොවැ. 22 වන දින ප‍්‍රකාශයක් කළද එය මෙතෙක් ඉටුවී නොමැත.
එහෙයින් ඊට විරෝධය පලකරමින් දිවයින පුරා ලංකා විදුලි බලමණ්ඩලයේ සේවය කරන 4800 ක් පමණ වන මෑන් පවර් සේවකයින් හා ඔවුන්ගේ දෙමව්පියන් ලංකා විදුලි බල මණ්ඩල මුලස්ථානය ඉදිරිපිට හා අමාත්‍යාංශය ඉදිරිපිටදී දැවැන්ත විරෝධතා උද්ඝෝෂණයක් පැවැත්වීමට තීරණය කර තිබුණි.
ඒ අනුව එම විරෝධතා උද්ඝෝෂණය අද(17) පෙ.ව. 10.00 ට කොළඹ ලංකා විදුලි බල මණ්ඩල මුලස්ථානය කාර්යාලය ඉදිරිපිටදී ආරම්භ විය.
Post a Comment