ඉදිකිරීම් කටයුත්තක් හේතුවෙන් දක්ෂිණ අධිවේගී මාර්ගයේ කොටසක් අද රාත්රියේ පැය 02 ක කාලයක් වසා තැබීමට තීරණය කර තිබේ.
දොඩංගොඩ හුවමාරුවේ සිට වැලිපැන්න හුවමාරුව දක්වා කොටස මෙලෙස වසා තැබෙන බව දක්ෂිණ අධිවේගී මාර්ගයේ මෙහෙයුම් අධ්යක්ෂ පී.කේ.රණතුංග මහතා සඳහන් කළේය.
අද රාත්රී 11 සිට හෙට අළුයම 01 දක්වා මාර්ගයේ එම කොටස වසා තැබීමට නියමිතය.
දක්ෂිණ අධිවේගී මාර්ගයේ ඉලෙක්ට්රෝනික විදුලි නාම සංඥාපුවරු සවිකිරීම හේතුවෙන් මෙම පියවර ගෙන ඇති බව මෙහෙයුම් අධ්යක්ෂ පී.කේ.රණතුංග මහතා පැවසුවේය.
අදාළ කාලය තුළ විකල්ප මාර්ගයක් ලෙස දොඩංගොඩ හුවමාරුවෙන් පිටවී මතුගම හොරවල හරහා වැලිපැන්න හුවමාරුව වෙත ගමන් කළ හැකි බව ඔහු වැඩිදුරටත් සඳහන්කළේය.

Post a Comment