දුප්පත්කම නැති දූෂණයෙන් තොර ශ්‍රී ලංකාවක් බිහිකිරීම තම අරමුණ යැයි ජනපති මහින්ද රාජපක්ෂ මහතා පවසයි.
අද (17) කොළඹදී ආරම්භ වූ ව්‍යාපාරික සමුළුව අමතමින් ජනපතිවරයා මේ බව පැවසීය.
මේ අතර අධිකරණයේ ස්වාධීනත්වය උපරිමයෙන් ආරක්ෂා කිරීමට වත්මන් රජය කටයුතු කළ බවද ජනාධිපති මහින්ද රාජපක්ෂ මහතා පවසයි.
අධිකරණයේ ස්වාධීනත්වයට කිසිදු අවස්ථාවක බාධා නොකළ වත්මන් රජය නීතියේ ආධිපත්‍ය සුරැකීමට කැපවී කටයුතු කළ බව ජනාධිපතිවරයා පෙන්වාදෙයි.
ප්‍රජාතන්ත්‍රවාදය සහ මානව හිමිකම් සුරැකීමේ නීතීඥ සංගමය සමඟ කොළඹ පැවති හමුවකට එක්වෙමින් ජනාධිපති මහින්ද රාජපක්ෂ මහතා මේ බව පැවසීය.
එහිදී තවදුරටත් අදහස් දක්වමින් ජනාධිපතිවරයා කියා සිටියේ රජය අධිකරණයේ කටයුතු වලට බාධා සිදුකරන බවට ඇතැමුන් අද රට පුරා අසත්‍ය ප්‍රචාර ගෙන යන බවයි.
සැමට එක ලෙස නීතිය ක්‍රියාත්මක කරමින් රටේ නීතියත් සාමයත් ආරක්ෂා කිරීමට වත්මන් රජය දැඩි කැපවීමෙන් කටයුතු කරන බව ජනාධිපති මහින්ද රාජපක්ෂ මහතා පැවසීය.
Post a Comment