නිධානයක් ගොඩ දැමීමට උත්සහ කළ බව කියන තිදෙනෙකු අත්අඩංගුවට ගෙන ඇති බව කරුවලගස්වැව පොලීසිය පවසයි.
ඊයේ (12)සවස කරුවලගස්වැව - බුද්ධි දියවර ගම්මානයේදී මෙම අත්අඩංගුවට ගැනීම සිදු කර ඇති බව අද දෙරණ වාර්තාකරු කියා සිටියි.
අත්අඩංගුවට ගෙන ඇති අය අතර ගිරිබාව - සෝලේවැව, සාලියවැව -වීරපුර සහ වනාතවිල්ලුව -13 කණුව පදිංචිකරුවන් සිටින බව පොලීසිය කියයි.
කරුවලගස්වැව - බුද්ධි දියවර ගම්මානයේ පදිංචිව සිටින නාවුක හමුදා සෙබළෙකුගේ නිවස පිටුපස කිසියම් පිරිසක් නිධානයක් ගොඩ දැමීමට උත්සහ කරන බවට පොලීසියට ලැබුණු තොරතුරක් මත මෙම වැටලීම සිදු කර ඇත.
එම ස්ථානයේ තිබී කැණීම් උපකරණ කීපයක් සහ නිධානක් ගොඩ දැමීමට යොදා ගන්නා උපකරණ ද පොලිස් බාරයට ගෙන ඇත.
සැකකරුවන් පුත්තලම දිසා අධිකරණයට ඉදිරිපත් කිරීමට නියමිතය.
කරුවලගස්වැව පොලීසිය වැඩිදුර පරීක්ෂණ කරගෙන යයි.
Post a Comment