ඉන්දියාවේ තිරුචි බන්ධනාගාරයේ විශේෂ කඳවුරක රඳවා සිටින ශ්‍රී ලාංකික සරණාගතයින් පිරිසක් උපවාසයක් ආරම්භ කර තිබේ.
ඉන්දීය මාධ්‍ය වාර්තා කළේ ඊයේ දිනයේ සිට මෙම පිරිස ආහාර වර්ජනය කරමින් මෙම උපවාසය සිදුකරන බවයි.
තමන්ට එරෙහිව එල්ල වී ඇති චෝදනා කඩිනමින් විභාග කරන ලෙස බලකරමින් ඔවුන් උපවාසයේ නිරත වන බව සඳහන් වෙයි.
නීති විරෝධීව ඉන්දියාවට ඇතුළු වීම සහ එල්.ටී.ටී.ඊ. සංවිධානයට සහයෝගය ලබාදීම යන චෝදනා මොවුන්ට එරෙහිව එල්ල වී ඇති බව වාර්තා වෙයි.
අදාළ කඳවුරේ සිටින මලයාසියානු ජාතිකයෙකු ද මෙම උපවාසයට එක්ව සිටින බව ඉන්දීය මාධ්‍ය වාර්තා කළේය.
තමාට එරෙහි චෝදනා කඩිනමින් විභාග කරන තෙක් උපවාසය අත්නොහරින බව උපවාසකරුවන් පවසා ඇත.
Post a Comment