එක්සත් ජාතික පක්ෂයේ පුත්තලම දිස්ත්‍රික් පාර්ලිමේන්තු මන්ත්‍රී පාලිත රංගේ බණ්ඩාර මහතා පොලීසිය විසින් අත්අඩංගුවට ගෙන තිබේ.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා සඳහන් කළේ කරුවලගස්වැව ප්‍රාදේශීය සභාවේ සභාපතිවරයාට පහරදීමේ චෝදනාවක් සම්බන්ධයෙන් මන්ත්‍රීවරයා අත්අඩංගුවට ගෙන ඇති බවයි.
අද අලුයම සිය නිවසේ දී තමාට පාලිත රංගේ බණ්ඩාර මන්ත්‍රීවරයා පහරදුන් බවට ප්‍රාදේශීය සභාවේ සභාපති නීල් වීරසිංහ මහතා පොලීසියට පැමිණිල්ලක් කර ඇත.
එම පැමිණිල්ලට අනුව පාලිත රංගේ බණ්ඩාර මන්ත්‍රිවරයා සහ තවත් දෙදෙනෙකු කරුවලගස්වැව පොලීසිය විසින් අත්අඩංගුවට ගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අජිත් රෝහණ මහතා සඳහන් කළේය.
කරුවලගස්වැව පොලීසිය මේ සම්බන්ධයෙන් වැඩිදුර පරීක්ෂණ පවත්වයි.
Post a Comment