හැටන්, නෝර්වුඩ් ප්‍රදේශයේ පාසලක පෙළ පොත් තොගයක් අලෙවි කිරීම සම්බන්ධයෙන් එම පාසලේ විදුහල්පතිවරයා අත්අඩංගුවට ගෙන තිබේ.
ප්‍රදේශයේ වෙළඳසැල් හිමියෙකුට පාසලේ විදුහල්පතිවරයා විසින් අදාළ පෙළ පොත් තොගය අලෙවි කර ඇති බව වාර්තා වෙයි.
එම වෙළඳසැල් හිමිකරු වෑන් රථයකින් පෙළ පොත් තොගය රැගෙන යමින් සිටියදී නොර්වුඩ් පොලීසිය විසින් සොයාගෙන තිබේ.
එහිදි අදාළ ව්‍යාපාරිකයා සහ වෑන් රථයේ රියදුරු ද පොලිසිය විසින් අත්අඩංගුවට ගනු ලැබුණි.
හය ශ්‍රේණියේ සිට 12 ශ්‍රේණිය දක්වා වු විවිධ විෂයන්ට අයත් පෙළ පොත් දහසක් පමණ පොලිසිය විසින් සොයාගෙන තිබේ.
මෙම සිද්ධිය සම්බන්ධයෙන් එම පාසලේ විදුහල්පතිවරයා ද අත්අඩංගුවට ගෙන ඇති බව පොලීසිය සඳහන් කළේය.
සැකකරුවන් අද අධිකරණය වෙත ඉදිරිපත් කිරීමට නියමිතය.
Post a Comment