නරේන්ද්‍ර මෝඩිගේ නායක්වයෙන් යුත් ප්‍රබල රජයකට මෙය සිදුකිරීම අසීරූ කටයුත්තක් නොවන බව එම සන්ධානයේ නායක ආර්.සම්බන්ධන් කියයි.
ඉන්දියාවේ නිල සංචාරයක නිරත දෙමළ ජාතික සන්ධාන නියෝජිතයින් සහ භාරතීය ජනතා පක්ෂයේ ජ්‍යෙෂ්ඨ නායකයින් පිරිසක් සමග පැවති සාකච්ඡාවකින් අනතුරුව මාධ්‍යවේදින් හමුවේ ආර්.සම්බන්ධන් මේ බව ප්‍රකාශ කර ඇත.
13 වැනි ව්‍යවස්ථා සංශෝධනය ක්‍රියාත්මක කර පළාත් සභා වලට බලය බෙදා හැරීම සම්බන්ධයෙන් ශ්‍රී ලංකා රජය සමග සිදුකරන සාකච්ඡාවලින් කිසිදු ප්‍රගතියක් අත්ව නොමැති බව සම්බන්ධන් මෙහිදී ප්‍රකාශ කර තිබේ.
තම පක්ෂයේ පාලනය යටතේ පවතින උතුරු පළාතේ ආණ්ඩුකාරවරයා පත් කිරීම සම්බන්ධයෙන් හෝ තීරණයක් ගැනීමට පක්ෂයට හැකියාවක් නොමැති බව දෙමළ ජාතික සන්ධාන නායකයා ප්‍රකාශ කර ඇත.
ශ්‍රී ලංකා ජනාධිපතිවරයා සහ ඉන්දීය අග්‍රාමාත්‍යවරයා අතර පැවති පළමු හමුවේදීම දෙමළ ජනතාව සම්බන්ධයෙන් ඉන්දීය අගමැතිවරයාගේ අවධානය යොමුවුවා සේම එම ජනතාවගේ අභිලාෂයන් ඉටු කිරීමට නරේන්ද්‍ර මෝඩි පැහැදිලි මැදිහත්වීමක් සිදුකරනු ඇති බවට තමා බලාපොරොත්තු වන බව ඔහු සඳහන් කර ඇත.
Post a Comment