නේපාලයේ සිටින ශ්‍රී ලාංකිකයින් පිරිසක් රැගත් ගුවන් යානය අද දිනය තුළ මෙරටට පැමිණිමට අවශ්‍ය පියවර ගනිමින් සිටින බව ශ්‍රී ලංකා ගුවන් හමුදාව පවසයි.
යානය ඊයේ දිවයිනට පැමිණිමට නියමිත තිබුණි.
එහෙත් නේපාලයට බලපෑ පසු කම්පන තත්ත්වය හේතුවෙන් එය කත්මණ්ඩු ගුවන්තොටුපළෙන් පිටත්වීම ප්‍රමාද වූ බව ගුවන් හමුදාව ප්‍රකාශ කළේය.
පසුව නැවතත් යානය පිටත්වීමට සූදානම් කර තිබියදී සුළු කාර්මික දෝෂයක් හටගෙන ඇත.
පාකිස්ථාන ගුවන් හමුදාවේද සහය ඇතිව එම දෝෂය නිවැරදී කිරීමේ කටයුතු සිදුකරමින් පවතින අතර, කඩිනමින් එය යථා තත්ත්වයට පත් කිරීමට හැකි වනු ඇති බව ගුවන් හමුදාව පවසයි.
අදාළ යානය තුළ ශ්‍රී ලංකා වයස 14න් පහල පාපන්දු කණ්ඩායම ඇතුළු 35 දෙනෙකු පමණ සිටින අතර ඔවුන් අද දිනය තුළ දිවයිනට පැමිණෙනු ඇත.
Post a Comment