2015 නව අතුරු අය වැය පාර්ලිමේන්තුවට ඉදිරිපත් කරමින් අමාත්‍යවරයා මේ බව කියා සිටියේය.
නව රජයේ අතුරු අය වැය යෝජනා පහත පරිදිය.
දින 100 වැඩපිළිවෙළ යටතේ සහන ලබාදෙන බව පැවසුයේ අත්‍යවශ්‍ය භාණ්ඩ 10ක් වුවද නව රජය අත්‍යවශ්‍ය භාණ්ඩ 13ක මිල පහත හෙළීමට පියවර ගෙන ඇත.
ඒ අනූව සීනි කිලෝවක මිලද රුපියල් 10කින් අඩුවනු ඇත.
කිරිපිටි ග්‍රෑම් 400 පැකැට්ටුව රුපියල් 61කින් අඩුකරන බවද ඒ අනූව නව මිල රුපියල් 325ක් වේ.
රෝගීන් සඳහා ලබාදෙන සස්ටජන් කිරිපිටි මිල රුපියල් 100කින් අඩු වනු ඇත.
දේශීය කිරිපිටි කර්මාන්තය රැක ගන්නා බවද හෙතෙම කීවේය.
තිරිඟු පිටි ආනයන බද්ධ කිලෝවකට රුපියල් 10කින් අඩු කරන බවද ඒ අනූව පිටි කිලෝවක මිල රුපියල් 12.50කින් අඩුවනු ඇත.
පාන් ගෙඩියක මිලද රුපියල් 6කින් අඩුවේ.
මුං ඇට කිලෝවක මිල ද රුපියල් 40කින් අඩුවෙයි.
හාල් මැස්සන් කිලෝවකට පනවා ඇති රුපියල් 26 විශේෂ වෙළඳභාණ්ඩ බද්ද රුපියල් 11 දක්වා අඩු කෙරේ.
ටින් මාළු කිලෝවක් මත ආනයනය කරන විශේෂ වෙළඳභාණ්ඩ රුපියල් 102 සිට රුපියල් 50 දක්වා අඩු කිරීමට සැලසුම් කර ඇත.
කොත්තමල්ලි හා මිරිස් කුඩු සඳහා ද වෙළඳ භාණ්ඩ බදු ඉවත් කෙරේ.
එසේම කිලෝ ග්‍රෑම් 12.5 ගෑස් සිලින්ඩරයක මිල රුපියල් 1896 සිට 1500 දක්වා රුපියල් 300කින් අද මැදියම් රැයේ සිට අඩුවෙයි.
තවද නිදහස් අධ්‍යාපනය ආරක්ෂා කර කරලීමටත්, සැමට අධ්‍යාපනයේ සම අවස්ථා සැලසීමටත් දල දේශීය නිෂ්පාදනයෙන් 6%ක් වෙන් කිරීමට තීරණය කර ඇත.
අධ්‍යාපනය සඳහා ලොව දියුණු රටවල් දල දේශීය නිෂ්පාදනයෙන් 5.3 ක් වැනි මුදලක්ද, ආසියානු රටවල් 2.9ක් වැනි මුදලක්ද වෙන් කරද්දී මෙතෙක් ශ්‍රී ලංකාවේ වෙන් කෙරුණේ 2%ක් වැනි අඩු මුදලකි.
ඉකුත් පාලන සමයේ විශ්ව විද්‍යාල ආචාර්යවරුන් විසින් ගෙන ගිය වෘත්තීය සමිති ක්‍රියාමාර්ගයේද ප්‍රධාන සටන් පාඨයක් වූයේ රටේ අධ්‍යාපන ක්ෂේත්‍රයට දල දේශීය නිෂ්පාදනයෙන් 6%ක් වෙන්කරවා ගැනීමය.
Post a Comment