උන්වහන්සේ මේ බව පැවසුවේ අද පෙරවරුවේ කටුනායක ගුවන් තොටුපළින් දිවයිනට පැමිණීමෙන් පසු එහි සකසා තිබූ විශේෂ පීඨිකාව මත සිටය. ශ්රී ලංකාවේ මිත්රත්වය දැඩි ලෙස අගය කරන බවද ෆ්රැන්සිස් පාප් වහන්සේ එහිදී පැවසීය.
වතිකානයේ සිට විශේෂ ගුවන් යානයකින් කටුනායකට පැමිණි පාප් වහන්සේ ජනපති මෛත්රිපාල සිරිසේන මහතා ඇතුළු පිරිස විසින් ඉතා හරසරින් පිළිගන්නා ලදී.
ත්රිවිධ හමුදා උත්තමාචාරය මැද රතු පලස මතින් විශේෂ පීඨිකාවට සැපැත් වූ පාප් වහන්සේ මහා සංඝරත්නය, මැල්කම් කාදිනල් රංජිත් කොළඹ අගරදගුරුතුමා ඇතුළු කතෝලික පූජාකවරුන් හා වෙනත් ආරාධිතයන්ට අතට අත දුන්නේය.
අනතුරුව ගුවන් තොටුපොළේදී ස්වර්ණ පුස්තකයේ සිය අත්සන තැබූ පාප් වහන්සේ ජනපති මෛත්රීපාල සිරිසේන මහතා විසින් ගුවන් තොටුපළේ පිහිටි සිරිලක් මැඳුරට කැඳවාගෙන යන ලදී.
මේවන විට උන්වහන්සේ කටුනායක ගුවන් තොටුපළේ සිට කොළඹ දක්වා විශේෂ රිය පෙරහැරකින් කැඳවාගෙන එමින් සිටින අතර අද සවස කොළඹ බණ්ඩාරනායක සම්මන්ත්රණ ශාලාවේ දී ලංකාවේ ආගමික නායකයන් හමුවීමට ද සැලසුම් කර ඇත.
මේවන විටත් පාප් වහන්සේට ආචාර කිරීම සඳහා දහස් සංඛ්යාත ජනතාවක් මග දෙපස රැස්ව සිටින අයුරු දැක ගත හැකිය.
Post a Comment