ඉන්දීය අත්අඩංගුවේ පසුවන ශ්‍රී ලාංකික ධීවරයින් 30 දෙනෙකු නිදහස් කිරීමට තමිල්නාඩු රජය එකඟතාව පළ කර තිබේ.
ඒ අනූව එම ධීවරයින් ලබන 22 වනදා නිදහස් කිරීමට නියමිත බව වාර්තා වේ.
එමෙන්ම ඉන්දීය බලධාරීන් බාරයේ තිබෙන ධීවර යාත්‍රා 19ක් ද එදින නිදහස් කිරීමට නියමිත බව ඉන්දීය මාධ්‍ය වාර්තා කරයි.
ඉන්දීය අග්‍රාමාත්‍ය නරේන්ද්‍ර මෝඩි වෙත ලිපියක් යොමුකරමින් තමිල්නාඩු ප්‍රධාන අමාත්‍ය ඕ.පන්නීර්සෙල්වම් ප්‍රකාශ කර ඇත්තේ මානූෂීය හේතූන් මත සහ එළඹෙන නත්තල් උත්සවය නිමිත්තෙන් එම ධීවරයින් පිරිස නිදහස් කිරීමට තීරණය කළ බවයි.
ඉන්දීය විදේශ අමාත්‍යාංශ ලේකම් සූජාතා සිං තමිල්නාඩු ප්‍රාන්තයේ ප්‍රධාන ලේකම් කේ.ඥානදේසිකන් වෙත යොමුකළ ලිපියක් සැලකිල්ලට ගනිමින් තමිල්නාඩු ප්‍රධාන අමාත්‍යවරයා මෙම තීරණය ගෙන ඇති බව සඳහන්ය.
Post a Comment