අත්අඩංගුවට ගෙන ඇත්තේ දෙදරු මවක වූ 36 හැවිරිදි කාන්තාවක බව පොලීසිය පවසයි.
අත්අඩංගුවට ගෙන ඇති සැකකාර කාන්තාව විලත්තව පදිංචි තම මිතුරියගේ නිවසට ගොස් කතා බහ කරමින් සිට ඇති බව සඳහන්ය.
ඒ අතර නිවසට පැමිණි තම මිතුරියට තේ කෝප්පයක් සාදා ගෙන ඒම සදහා ගෙහිමි කාන්තාව මුළුතැන් ගෙට ගොස් තිබේ.
එම කාලය අතරතුර සැකකාර කාන්තාව නිවසේ අල්මාරියක තිබූ රුපියල් 60,000 ක් පමණ වටිනා රන් ආභරණ සොරා ගෙන පලාගොස් ඇති බව අද දෙරණ වාර්තාකරු පවසයි.
තම මිතුරියට තේ කෝප්පයක් ගෙන පැමිණි විට ඇය නොමැති බව දැන ගෙන ඇති කාන්තාව ඒ සම්බන්ධයෙන් සොයා බලන විට සොරකම සම්බන්ධයෙන් දැන ගෙන ඇති බවත්, පසුව ගෙහිමි කාන්තාව විසින් මේ බව හලාවත පොලීසියට දන්වා ඇති බවත් අප වාර්තාකරු කියා සිටියි.
එම පැමිණිල්ලට අනුව ක්‍රියාත්මක වූ හලාවත පොලීසියේ අපරාධ විමර්ශන අංශයේ නිලධාරීන් සැකකාර කාන්තාව අත්අඩංගුවට ගෙන ප්‍රශ්න කිරීමේදී සොරකම් කරන ලද රන් ආභරණ උගස් කරන ලද රිසිට් පත් කීපයක් සොයා ගෙන ඇත.
සැකකාරිය හලාවත දිසා අධිකරණයට ඉදිරිපත් කිරීමට නියමිතය.
හලාවත මූලස්ථාන පොලිස් පරීක්ෂක ප්‍රියන්ත බණ්ඩාර කස්තුරිආරච්චි මහතාගේ උපදෙස් මත අපරාධ විමර්ශන අංශයේ ස්ථානාධිපති පොලිස් පරීක්ෂක අතපත්තු මහතා සහ උප පොලිස් පරීක්ෂිකා මධුභාෂිණී මහත්මිය විසින් වැඩිදුර විමර්ශන කටයුතු කරගෙන යයි.
Post a Comment