ඉන්දීය ආර්ථික සමුළුව යටතේ පැවති සංවාදාත්මක සාකච්ඡාවකට එක්වෙමින් අමාත්‍යවරයා සඳහන් කළේ උපත් අනුපාතිකය, මාතෘ මරණ අනුපාතිකය සහ ආයුකාල අපේක්ෂාව අතින් ශ්‍රී ලංකාව ලොව දියුණු රටවල තත්ත්වයට සමාන අගයන් ගන්නා බවයි.
ඉන්දියා ටුඩේ කර්තෘ මණ්ඩල උපදේශක ශිකර් ගුප්තා විසින් මෙහෙය වු මෙම සංවාදය සඳහා සංජිව් මෙහෙතා. ආදි ගොඩ්රිජ් යන ව්‍යාපාරිකයින් දෙදෙනා , සිනමා නිලි කාජල් දේව්ගන් සහ ආචාර්ය සරත් අමුණුගම යන මහත්වරුන් සහභාගී වුණි.
සනීපාරක්ෂාව සහ පිරිසිදු ඉන්දියාවක් ගොඩනැගීම පිළිබඳ සිදුකළ අදහස් හුවමාරුවේ දී වැඩිදුරටත් අදහස් දැක්වු අමාත්‍ය අමුණුගම මහතා ප්‍රකාශ කළේ වසර 2015දී සහශ්‍ර සංවර්ධන ඉලක්ක සපුරා ගැනීමට ශ්‍රී ලංකාව අපේකෂා කරන බවයි.
නිදහසට පෙර යුගයේ සිටම ග්‍රාමීය සෞඛ්‍ය ප්‍රවර්ධනය සඳහා ක්‍රමවේදයක් පැවති බව අමාත්‍යවරයා පෙන්වා දුන්නේය.
ශ්‍රී ලංකාව ස්ත්‍රී පුරුෂ සමානාත්මතාව පිළිගෙන ඇති අතර අධ්‍යාපනය සහ රාජ්‍ය සේවය තුළින් එය පිළිබිඹු වන බව අමාත්‍ය සරත් අමුණුගම මහතා සඳහන් කළේය.
දේශපාලනික මැදිහත්වීම් මත දුප්පත්කම නැති කිරීමේ වැඩසටහන් ක්‍රියාවට නංවා ඇති බව පෙන්වා දුන් අමාත්‍යවරයා දැනුම, ආකල්ප සහ ක්‍රියාකාරකම් ඒ සඳහා යොදාගන්නා බව ප්‍රකාශ කළේය.
කලාපයේ අවම ජනගහන වර්ධන වේගයක් ශ්‍රී ලංකාව අත්කර ගෙන තිබේ.
විවාහ ප්‍රමාද වීම් ඊට ප්‍රධාන හේතුවක් වි ඇති බව අමාත්‍යවරයා සඳහන් කළේය.
Post a Comment