ජාතික හෙළ උරුමය ස්වකීය අමාත්‍ය පදවි අතහැරීමෙන් ජනාධිපතිවරයාගේ ශක්තිය හීනවීමක් කිසිසේත්ම සිදුනොවන බව විදේශ අමාත්‍ය මහාචාර්ය ජී.එල් පීරිස් මහතා පවසයි .
අද (18) කොළඹ පැවති මාධ්‍ය හමුවකදී මාධ්‍යවේදීන් විසින් අසන ලද ප්‍රශ්නවලට ප්‍රතිචාර දක්වමින් අමාත්‍යවරයා මේ බව සඳහන් කළේය.
සියලුදෙනාම සමග සහයෝගයෙන් ඒකාබද්ධ වැඩපිළිවෙලක් මත ගමන් කිරීම ශ්‍රී ලංකා නිදහස් පක්ෂයේ පිළිවෙත බවත්, ඒ අනුව ජාතික හෙළ උරුමයේ යෝජනා පිළිබඳවද සලකාබලමින් සිටියදී හදිසියේම ඔවුන් ආණ්ඩුව හැරගිය බවත් අමාත්‍යවරයා කියා සිටියේය.
හෙළ උරුමය විසින් ගෙන එන ලද යෝජනා 35 තුළ ඉතාම වැදගත් යෝජනා ගණනාවක් පැවති බවත්, එහෙත් ඒ පිළිබඳ යම් වැඩපිළිවෙලකට අවතීර්ණවී සිටි බවත් ඔහු සඳහන් කළේය.
කෙසේ වුවද ප්‍රජාතන්ත්‍රවාදී රටක ඔවුන් පිළිබඳ තීරණ ගැනීමට අයිතියක් ඔවුන්ට ඇති බව ද ජී.එල් පීරිස් මහතා වැඩිදුරටත් කියා සිටියේය.
Post a Comment