ප්‍රවීණ පුවත්පත් කලාවේදියෙකු මෙන්ම ලේඛකයෙකු වන කරුණාදාස සූරියආරච්චි මහතා ජීවිතක්ෂයට පත්ව තිබේ.
පසුගිය 30 වන දින නිවසේදී ඇදවැටීමකින් තුවාල ලබා කොළඹ ජාතික රෝහලට ඇතුළත් කර ඇති ඔහු අද සවස 5.00 ට පමණ අවසන් හුස්ම හෙළූ බව පවුලේ ආරංචි මාර්ග පවසයි.
අවසන් කටයුතු පසුව දැනුම් දෙනු ඇත.
1948 මැයි මස 12 වන දින උපත ලබා ඇති ඔහු මිය යන විට 66 වන වියේ පසුවිය.
නවලිය,සිළුමිණ ආදී පුවත්පත්වල ප්‍රධාන කර්තෘ ධූරය දැරූ ඔහු දිවයින ඉරිදා සංග්‍රහයෙහි පළවූ 'කසුරිගෛ කොලම"නිර්මාතෘවරයා ද,"වටරවුම"සංස්කාරකවරයාද විය.
හදවතට මුවාවෙන්,නෝමා සහ සෝමා,වටරවුම,කසුරිගෙ කොලම,අපේ කාලයේ කුමාරියකගේ කතාවක්,කන්ද පාමුල,වෑකන්දේ ගීතය,අන්ධකාර තාරකාව,කළු දෝංකාරය,රතු ඉද්ද,මම තවම යමි ආදී කෘති ගණනාවක් රචනා කොට තිබේ.
Post a Comment