පැවත්වීමට නියමිත ජනාධිපතිවරණය එළඹෙන ජනවාරි මස 03 වන දින හෝ 07 වන දින පැවැත්වීමට බොහෝ දුරට ඉඩකඩ තිබේ.
රජයේ පාර්ශවයෙන් ජනවාරි මස 03 වන දිනට වැඩි කැමැත්තක් පවත්නා බවත්, මැතිවරණ මහලේකම් කාර්යාලයේ බලධාරීන් ජනවාරි මස 10 වන දිනට වැඩි කැමැත්තක් දක්වන බවත් ආරංචි මාර්ග සඳහන් කරයි.
එසේ වුවද පාප් වහන්සේගේ ආගමනයට දින 3ක් තිබියදී ආරක්ෂක කටයුතු සැලසුම් ආදිය සම්බන්ධයෙන් මතුවන ගැටළු සලකා නීතිය හා සාමය අමාත්‍යංශයේ බලධාරීන් 10 වන දින මැතිවරණය පැවැත්වීම පිළිබඳ නොසතුට පළකර ඇතැයි දැනගන්නට ලැබේ.
මේ හේතුවෙන් ආණ්ඩු පාර්ශවය හා මැතිවරණ මහලේකම් කාර්යාල බලධාරීන් අතරමැදි දිනයක් ලෙස ජනවාරි මස 07 වන දින මැතිවරණය පැවැත්වීම පිළිබඳවද සලකා බලමින් සිටින බව කියැවෙයි.
ඒ අනුව ජනවාරි මස 03 වන දින හෝ 07 වන දින ජනාධිපතිවරණය පැවැත්වෙනු ඇති බව විශ්වාසදායි ආරංචි මාර්ග සඳහන් කරයි.
Post a Comment