රත්‍රං කිලෝග්‍රෑම් තුනක් නීති විරෝධී ලෙස ගුවන්තොටුපලෙන් බැහැර කිරීමට සහය දුන් ගුවන්තොටුපොළ සේවකයෙකු රේගු අත්අඩංගුවට ගෙන තිබේ.
කටුනායක බණ්ඩාරනායක ජාත්‍යන්තර ගුවන්තොටුපල වෙත සිංගප්පුරූවේ සිට ඊයේ මධ්‍යම රාත්‍රී පැමිණි මගියෙකු තමන් රැගෙන ආ රත්‍රං තොගය පිටතට ගෙන යාම සඳහා සේවකයෙකුට භාර දී ඇති බව වාර්තා වෙයි.
අදාළ සේවකයා එම රත්‍රං තොගය තම දණහිසේ බැඳ පිටතට පැමිණෙන අවස්ථාවේ දී රේගු බලධාරීන් විසින් අත්අඩංගුවට ගෙන තිබේ.
සැකකරු ගුවන්තොටුපල ආරක්ෂක නිලධාරියෙකු වන අතර ඔහු මහනුවර ප්‍ර දේශයේ පදිංචිකරුවෙකු බව රේගුව ප්‍රකාශ කළේය.
ග්‍රෑම් සියයකින් යුත් රන් කැබලි 30ක් පමණ රේගු භාරයට ගෙන ඇති අතර ඒවායේ වටිනාකම රුපියල් කෝටි එකහමාරක් පමණ වන බවට ගණන් බලා තිබේ.
අදාළ රන් තොගය මෙරටට ගෙන් වු මගියා අත්අඩංගුවට ගැනිම සඳහා විමර්ශන ආරම්භ කර ඇති බව රේගු ප්‍රකාශකයෙකු සඳහන් කළේය.
Post a Comment