පොලිස් නිලධාරීන් ලෙස පෙනි සිටිමින් දේපළ සොරා ගැනීමේ ජාවාරමක තොරතුරු අනාවරණය වී තිබේ.
පල්ලම, වෙන්නප්පුව, මාරවිල සහ වත්තල යන ප්‍රදේශවල මෙම ජාවාරම සිදුකරගෙන ඇති බව පොලීසිය පැවසුවේය.
අදාළ ජාවාරමට සම්බන්ධ පුද්ගලයින් අට දෙනෙකු කොච්චිකඩේ ප්‍රදේශයේ දී පසුගියදා අත්අඩංගුවට ගෙන තිබේ.
මොවුන් පොලිස් නිලධාරීන් ලෙස පවසමින් අවි පෙන්වා බිය ගන්වා මුදල් හා දේපළ කොල්ලකා ඇති බවට සිදුකළ පරීක්ෂණ වලින් අනාවරණය වී ඇති බව පොලීසිය සඳහන් කළේය.
අත්අඩංගුවට ගත් සැකකරුවන් සතුව තිබී රන් කැබලි ග්‍රෑම් 86යි මිලිග්‍රෑම් 10ක්, අත් ඔරලෝසුවක්, ජංගම දුරකථනයක් සහ මෙරට නිෂ්පාදිත ගිනි අවියක් සොයාගෙන තිබේ.
සැකකරුවන් මීගමුව මහේස්ත්‍රාත් අධිකරණය වෙත ඉදිරිපත් කිරීමෙන් අනතුරුව ලබන 07 වන දින දක්වා රක්ෂිත බන්ධානාගාර ගත කර ඇති බව වාර්තා වෙයි.
Post a Comment