කොළඹ, කොටුව එචිලන් චතුරශ්‍රය ප්‍රදේශයේ පිහිටි ඉඩමේ හිමිකාරිත්වය සීමාසහිත කැපිටල් මහරාජා සංවිධානය සතු නොවන බව නාගරික සංවර්ධන අධිකාරිය කියයි.
එහි සභාපති රංජිත් ප්‍රනාන්දු මහතා පැවසුවේ මෙම ඉඩමේ අයිතිය සම්බන්ධයෙන් මත භේදාත්මක තත්ත්වයක් මතුව ඇති බවයි.
එහෙත් එම ඉඩමේ අයිතිය අදාළ සමාගම සතු බවට නාගරික සංවර්ධන අධිකාරිය විසින් පිළිගෙන නැතැයි ඒ මහතා කියයි.
අදාළ ඉඩමේ අයිතිය මහරාජා ආයතනය සතු බවට නාගරික සංවර්ධන අධිකාරිය විසින් පිළිගෙන ඇති බවට පළවන වාර්තා ගැන කළ විමසීමකදී සභාපතිවරයා මේ බව පැවසීය.
ඔහු කියා සිටියේ එකී ඉඩම සම්බන්ධ ලියකියවිලි වලට අනූව එහි හිමිකාරිත්වය අදාළ සමාගමට අයත් බවට තහවුරු නොවන බවයි.
ඒ අනූව එම ඉඩමේ අයිතිය නාගරික සංවර්ධන අධිකාරිය විසින් පිළිගත් බවට පළ වන ප්‍රකාශය සම්පූර්ණ අසත්‍ය බවද ඒ මහතා අවාධාරණය කළේය.
කොළඹ, කොටුව එචිලන් චතුරශ්‍රය ප්‍රදේශයේ පිහිටි ඉඩමක් පසුගියදා කිසියම් පිරිසක් විසින් අත්පත් කර ගැනීමට යාමේදී ගැටුමක් හටගත් බව වාර්තා විය.
එම සිද්ධියට අදාළව පොලිසිය ද මැදිහත් වූ අතර ඒ අනූව නාගරික සංවර්ධන අධිකාරිය හා සාකච්ඡා කර අදාළ ගැටලුව විසඳාගන්නා ලෙසට දැනුම්දී පොලීසිය එම අවස්ථාවේදී ඇති වූ තත්ත්වය පාලනය කිරීමට සමත් විය.
Post a Comment