කොළඹ ජාතික රෝහල දක්වා රෝගීන් ප්‍රවාහනය කරන අවස්ථාවේදී තමන්ට අධිවේගී මාර්ගය ඔස්සේ නොමිලේ ගමන් කිරීමට අවස්ථාව ලබා දෙන ලෙස ගිලන් රථ රියදුරන් ඉල්ලීමක් කරයි.
පුත්තලම, හලාවත, කුලියාපිටිය සහ මීගමුවේ සිට හදිසි රෝගීන් නිරන්තර කොළඹ ජාතික රෝහල් වලට මාරු කර යවයි.
එසේ මාරු කර යවන රෝගීන්ගෙන් බහුතරයක් ඒ ඒ ප්‍රදේශවල ප්‍රාදේශීය රෝහල් වලින් වැඩි දුර ප්‍රතිකාර සඳහා මාරු කර එවන ලද රෝගීන්ය.
බරපතළ තත්ත්වයේ පසුවන රෝගියෙකුගේ ජීවිතය ගලවා ගැනීම සඳහා ඇතැම් ගිලන් රථ රියදුරන් කටුනායක - කොළඹ අධිවේගී මාර්ගය ඔස්සේ ගමන් කරයි.
නමුත් අධිවේගී මාර්ග නොමිලේ භාවිතා කිරීමට ගිලන් රථ වලට හිමිකමක් නැත.
මෙම තත්ත්වය හේතුවෙන් ගිලන් රථයේ රියදුරු, රිය සහයක සහ එම අවස්ථාවේ එහි සිටින වෛද්‍යවරයා හා හෙදිය එක්ව අධිවේගී ගාස්තුව ගෙවන බවද දැන ගන්නට ඇත.
මෙම තත්ත්වය නිසා හදිසි රෝගියෙකු කොළඹ ජාතික රෝහල දක්වා රැගෙන අවස්ථාවේදී පමණක් තමන්ට ගාස්තු ගෙවීමකින් තොරව අධිවේගී මාර්ගය භාවිතා කිරීමට අවස්ථාව ලබාදෙන ලෙස ගිලන් රථ රියදුරන් ඉල්ලා සිටී.
Post a Comment