තමන්ට එරෙහි චෝදනා සම්බන්ධයෙන් සිදුකෙරෙන පරීක්ෂණ සඳහා සහය පළ කිරීමට ළඟදීම දිවයිනට පැමිණෙන බව හිටපු ආර්ථික සංවර්ධන ඇමති බැසිල් රාජපක්ෂ මහතා කියයි.
දිවිනැඟුම දෙපාර්තමේන්තුවේ සිදුව ඇතැයි කියන මූල්‍ය අක්‍රමිකතා ගැන ප්‍රකාශයක් ලබා ගැනීමට බැසිල් රාජපක්ෂ මහතා දිවයිනට ගෙන්වා ගන්නා බව පොලිස් මාධ්‍ය ප්‍රකාශකවරයා ඊයේ කියා සිටි අතර ඒ අනූව අදාළ පරීක්ෂණවලට සහය පළ කිරීම සඳහා තමන් දිවයිනට පැමිණෙන බව ඒ මහතා අද දෙරණට කියා සිටියේය.
හිටපු ආර්ථික සංවර්ධන ඇමති බැසිල් රාජපක්ෂ මහතා පසුගිය ජනවාරී 8 පැවැති ජනාධිපතිවරණයෙන් පසු අමෙරිකාව බලා පිටත්ව ගිය අතර සිය සොහොයුරාගේ මැතිවරණයේ පරාජයේ වගකීම ද බාරගන්නා බව නිවේදනයක් මගින් සඳහන් කර තිබිණ.
Post a Comment