අත්අඩංගුවේ පසුවන හිටපු අමාත්‍ය විමල් වීරවංශ මහතාගේ බිරිඳ වන ශෂී වීරවංශ මහත්මිය රිමාන්ඩ් බාරයට පත් කරන්නේ ද නැද්ද යන්න පිළිබඳ අධිකරණ වෛද්‍ය වාර්තාව සලකා බැලීමෙන් අනතුරුව තීන්දුවක් ගන්නා බව කොළඹ මහේස්ත්‍රාත් අධිකරණය ප්‍රකාශ කර තිබේ.
අධිකරණයට කරුණු ඉදිරිපත් කරමින් අපරාධ පරීක්ෂණ දෙපාර්තමේන්තුව සඳහන් කළේ ඇය අත්අඩංගුවට ගෙන මේ වන විට මාලබේ ප්‍රදේශයේ පෞද්ගලික රෝහලක රඳවා සිටින බවයි.
අත්අඩංගුවේ පසුවන ශෂී වීරවංශ මහත්මිය රිමාන්ඩ් බාරයට පත්කරන ලෙස අපරාධ පරීක්ෂණ දෙපාර්තමේන්තුව විසින් කොළඹ මහේස්ත්‍රාත් අධිකරණයෙන් ඉල්ලීමක් කරන ලදී.
එම ඉල්ලීම සලකා බලමින් කොළඹ මහේස්ත්‍රාත් ගිහාන් පිලපිටිය මහතා මේ බව ප්‍රකාශ කළ බව අද දෙරණ අධිකරණ වාර්තාකරු කේ.එස්.උදය කුමාර සඳහන් කළේය.
Post a Comment