කැනේඩියානු විදේශ අමාත්‍ය ජෝන් බෙයාර්ඩ් නිවේදනයක් නිකුත් කරමින් මේ බව පවසා ඇති බව විදේශ අමාත්‍යංශය සඳහන් කළේය.
අදාළ නිවේදනය මගින් ඔහු වැඩිදුරටත් පවසා ඇත්තේ හිටපු අගවිනිසුරුවරිය යළි එම තනතුරට පත්කිරිම සම්බන්ධයෙන් සතුටට පත්වන බවයි.
2013 වසරේදී ශිරානි බණ්ඩාරනායක මහත්මිය ධුරයෙන් පහකිරීම පිළිබඳව තමන් දැඩි ලෙස කණගාටුවට පත්වූ බවද කැනඩා විදේශ අමාත්‍යවරයා පවසා තිබේ.
එම ක්‍රියාව හේතුවෙන් නීතියේ ආධිපත්‍ය බිඳවැටුනු බවද විදේශ අමාත්‍යවරයා අදාල නිවේදනය මගින් සඳහන් කර ඇති බව වාර්තා වෙයි.
එමෙන්ම උතුරේ ආණ්ඩුකාරවරයා ලෙස එච්.එම්.ජී.එස්. පලිහක්කාර මහතා පත්කිරීම පිළිබඳව ද තම රජය සතුටට පත්වන බව කැනේඩියානු විදේශ අමාත්‍යවරයා පවසා ඇත.
මේ අතර පසුගිය ජනාධිපතිවරණයේදී ජනාධිපති මෛත්‍රීපාල සිරිසේන මහතා තම ප්‍රතිපත්ති ප්‍රකාශය තුළින් පොරොන්දු වූ කරුණූ ඉටු කරනු ඇති බවට තමන් විශ්වාසය පළ කරන බවද ඔහු පවසා තිබේ.
එමෙන්ම ජනතාවගේ ගැටළුවලට විනිවිදභාවයකින් යුතුව ප්‍රතිචාර දක්වනු ඇති බවද කැනේඩියානු විදේශ අමාත්‍ය ජෝන් බෙයාර්ඩ් මහතා වැඩිදුරටත් පවසා ඇත.
Post a Comment