ශ්‍රී ලාංකික ද්‍රවිඩ සරණාගතයින්ට ඉන්දියානු පුරවැසිභාවය ලබාදීම සම්බන්ධයෙන් එරට රජයේ අවධානය යොමුව තිබේ.
ඉන්දීය පාර්ලිමේන්තුවේ ඒ සම්බන්ධයෙන් වන විශේෂ කමිටුවක සභාපති සුදර්ශන නාචිඅප්පන් නැමැත්තා මේ ගැන ඉන්දීය පුවත් ආයතනයකට කරුණු දක්වා ඇත.
ඒ අනූව ශ්‍රී ලංකාවේ දැනට පවත්නා සාමකාමි වාතාවරණය යටතේ යළි මව්බිමට යාමට කැමැති සරණාගතයින්ට ඒ සඳහා අවශ්‍ය පහසුකම් සලසා දීම ගැන ඉන්දීය රජයේ අවධානය යොමුව තිබේ.
මේ අතර ඒ පිළිබඳව විශේෂ සාකච්ඡාවක් හෙට ඉන්දියාවේ දිල්ලි හි පැවැත්වීමට නියමිතය.
ඉන්දීය බලධාරීන් හා ශ්‍රී ලංකාවේ විදේශ අමාත්‍යංශයේ නිලධාරීන් පිරිසක් අතර මෙම සාකච්ඡා පැවැත්වෙන බව ඉන්දීය මාධ්‍ය වාර්තා කරයි.
යුද ගැටුම් පැවැති කාලයේදී ශ්‍රී ලාංකික ද්‍රවිඩ ජනතාව ලක්ෂ 3ට අධික සංඛ්‍යාවක් ඉන්දියාවට පලාගිය බව පැවසුණු අතර ඔවුන් එරට කඳවුරු රැසක මේවන විට දිවිගෙවමින් සිටී.
Post a Comment