මෛත්‍රීපාල සිරිසේන මහතා ජනාධිපතිධූරයට පත්වීමෙන් හිස්වු පාර්ලිමේන්තු මන්ත්‍රී ධුරය සඳහා ඩී.ආර් ජයසිංහ බණ්ඩාර මහතා කථානායක චමල් රාජපක්ෂ මහතා ඉදිරියේ දිවුරුම් දී තිබේ.
2010 ජනාධිපතිවරණයේ දී පොළොන්නරුව දිස්ත්‍රික්කයෙන් එක්සත් ජනතා නිදහස් සන්ධානයෙන් තරඟවැදුණු ඔහු මනාප 21,878 ක් ලබා පස්වැනි ස්ථානයට පත්විය.
අදාළ මැතිවරණයේදී එක්සත් ජනතා නිදහස් සන්ධානයෙන් පොළොන්නරුව දිස්ත්‍රික්කයට තේරී පත්වූයේ මන්ත්‍රීවරුන් සිව්දෙනෙකු පමණක් බැවින් ජයසිංහ බණ්ඩාර මහතා පරාජිත ලැයිස්තුවේ පළමු ස්ථානයේ සිටියේය.
1991 පළාත් පාලන මැතිවරණයෙන් දිඹුලාගල ප්‍රාදේශීය සභාවට තේරීපත්වෙමින් හෙතෙම ශ්‍රීලනිපය තුළ දේශපාලන දිවිය ආරම්භ කළේය.
අනතුරුව 2002 වසරේ පැවති ප්‍රාදේශීය සභා මැතිවරණයෙන් විපක්ෂයේ මන්ත්‍රීවරයෙකු ලෙසද, 2006 ප්‍රාෙද්ශීය සභා මැතිවරණය ජයග්‍රහණය කොට ප්‍රාදේශීය සභාවේ සභාපති ලෙසද ඔහු තේරීපත්විය.
එයින් පසුව 2008 වසරේ පැවති පළාත් සභා මැතිවරණයට තරඟවැදුණු ජයසිංහ බණ්ඩාර මහතා උතුරු මැද පළාත් සභාවේ මන්ත්‍රීවරයෙකු ලෙස ද තේරීපත්ව කටයුතු කළේය.
Post a Comment