නිදහස් අධ්‍යාපනය ආරක්ෂා කර කරලීමටත්, සැමට අධ්‍යාපනයේ සම අවස්ථා සැලසීමටත් දල දේශීය නිෂ්පාදනයෙන් 6%ක් වෙන් කිරීමට තීරණය කර ඇති බව මුදල් අමාත්‍ය රවී කරුණානායක මහතා පවසයි.
අද (29) පාර්ලිමේන්තුවට ඉදිරිපත් කළ 2015 අතුරු අයවැය පනත් කෙටුම්පතින් එය යෝජනා කර ඇති බව හෙතෙම සඳහන් කළේය.
අධ්‍යාපනය සඳහා ලොව දියුණු රටවල් දල දේශීය නිෂ්පාදනයෙන් 5.3 ක් වැනි මුදලක්ද, ආසියානු රටවල් 2.9ක් වැනි මුදලක්ද වෙන් කරද්දී මෙතෙක් ශ්‍රී ලංකාවේ වෙන් කෙරුණේ 2%ක් වැනි අඩු මුදලක් පමණක් බව ඔහු කියා සිටියේය.
ඉකුත් පාලන සමයේ විශ්ව විද්‍යාල ආචාර්යවරුන් විසින් ගෙන ගිය වෘත්තීය සමිති ක්‍රියාමාර්ගයේද ප්‍රධාන සටන් පාඨයක් වූයේ රටේ අධ්‍යාපන ක්ෂේත්‍රයට දල දේශීය නිෂ්පාදනයෙන් 6%ක් වෙන්කරවා ගැනීමය.
Post a Comment