විදෙස් රටවල රැකියා ලබාදෙන බව පවසමින් මුදල් වංචා කළ පුද්ගලයින් 5 දෙනෙකු මහනුවර ප්‍රදේශයේදී අත්අඩංගුවට ගෙන තිබේ.
විදේශ සේවා නියුක්ති කාර්යංශයේ විශේෂ විමර්ශන ඒකකයට ලද පැමිණිල්ලක් මත සිදුකළ වැටලීමකදී මෙම පිරිස අත්අඩංගුවට ගෙන ඇති බව වාර්තා වෙයි.
මොවුන් පුද්ගලයින් සීයයට අධික පිරිසකගෙන් වංචනිකව මුදල් ලබා ගෙන ඇති බවද සඳහන්ය.
විදෙස් රටවල රැකියා ලබාදෙන බව පවසමින් එක් පුද්ගලයකුගෙන් මොවුන් රුපියල් එක් ලක්ෂ 75, 000 කට අධික මුදලක් ලබා ගෙන ඇති බවද විදේශ සේවා නියුක්ති කාර්යංශය සඳහන් කළේය.
අත්අඩංගුවට ගත් මෙම සැකකරුවන් අද මහනුවර අධිකරණයට ඉදිරිපත් කිරීමට නියමිතය.
Post a Comment