බැංකු සේවයේ නිරතවූවන්ට හඳුන්වා දී තිබුණු විශ්‍රාම වැටුප් ක්‍රමය 1996දී අහෝසි කරනු ලැබූ බවත්, එතැන් සිට එය දිනා ගැනීම සඳහා අඛණ්ඩව ඉල්ලීම් කළ බවත් ලංකා බැංකු සේවක සංගමය වෙනුවෙන් කේසර කෝට්ටේගොඩ මහතා සඳහන් කළේය.
අවසන එකී විශ්‍රාම වැටුප් ක්‍රමයම නොවුණත් යම් සාධනීය අංග ලක්ෂණවලින් යුතු වෙනත් විශ්‍රම වැටුප් ක්‍රමයක් 2013 වසරේදී හඳුන්වා දුන් බවත්, එයට අධ්‍යක්ෂ මණ්ඩල අනුමැතිය ලැබුණු බවත් හෙතෙම සිහිපත් කළේය.
එසේ වුවද එසේ වුවද එය මෙතෙක් අමාත්‍යවරයා හෝ අමාත්‍යංශය විසින් ලබාදීමට ක්‍රියා කර නොමැති බැවින් ඊට එරෙහිව විරෝධය දක්වනු පිණිස අද (12) අතිකාල සේවයේ නොයෙදී ප.ව 3.15 ට සියලුම බැංකු සේවකයින් සේවය අත්හිටුවා එළියට බැස විරෝධය දැක්වූ බව කෝට්ටෙගොඩ මහතා කියා සිටියේය.
එසේම එළඹෙන 14 වන දින කොළඹ විහාරමහාදේවි උද්‍යානයේ බැංකු සේවක සේවිකාවන්ගේ සාමාජික රැස්වීමක් පවත්වනු ලබන බවත්, ගත යුතු ඉදිරි ක්‍රියාමාර්ග පිළිබඳව එදින සාකච්ඡා කර තීරණයක් ගන්නා බවත් ඔහු වැඩිදුරටත් සඳහන් කළේය.
.jpg)
Post a Comment