2015 වසරේ දී නිදහසේ සහ නිස්කලංකව සංචාරය කළ හැකි ස්ථාන සහිත රටවල් දහය අතරට ශ්‍රී ලංකාව නම් කර තිබේ.
අමෙරිකාවේ ෆෝබ්ස් සඟරාව විසින් නිකුත් කළ නවතම වාර්තාවකට අනුව අදාළ නම් කිරීම සිදුව ඇති බව වාර්තා වෙයි.
ඒ අනුව 2015 වසරේ දී ලොව නිදහසේ සහ නිස්කලංකව සංචාරය කළ හැකි රටවල් අතර දස වැනි ස්ථානය ශ්‍රී ලංකාවට හිමිව තිබේ.
එහි ප්‍රථම ස්ථානය අයිස්ලන්තයට හිමිව ඇති අතර පිළිවෙළින් මොරොක්කෝ, වියට්නාමය, අමෙරිකාව, තස්මේනියාව, කොළොම්බියාව, ජපානය, ආර්ජන්ටිනාව, නේපාලය ද එම රටවල් 10 අතරට නම් කර ඇති බව සඳහන් වෙයි.
විශේෂයෙන් ශ්‍රී ලංකාවේ වනෝද්‍යාන සහ වනසතුන් පිළිබඳව මෙහිදී වැඩි අවධානයක් යොමු කර ඇති අතර එම ස්ථාන නැරඹීම ආශ්වාදජනක වනු ඇති බව ෆෝබ්ස් සඟරාව මගින් පෙන්වා දී ඇත.
යාල, විල්පත්තු වනෝද්‍යාන මෙන්ම ගාලු කොටුව ද සංචාරකයින්ගේ ආකර්ශනයට ලක්වන ප්‍රදේශ ලෙස හඳුන්වා දී තිබේ.
Post a Comment