ශ්‍රි ලංකාව තුළ රැඳී සිටින පකිස්ථාන සහ ඇෆ්ගනිස්ථාන සරණාගතයින් පිටුවහල් කිරිමට රජය ගෙන ඇති තීරණය නීති විරෝධී බවට ප්‍රකාශ කරන ලෙස ඉල්ලා යොමු කළ පෙත්සමක් ශ්‍රේෂ්ඨාධිකරණය අද(29) ප්‍රතික්ෂේප කර තිබේ.
මෙරට ක්‍රියාත්මක මානව හිමිකම් ක්‍රියාකාරින් පිරිසක් විසින් ගොනු කළ පෙත්සමෙන් දැනුම් දි තිබුණේ අදාළ සරාණාගතයින් පිටුවහල් කිරිමට ශ්‍රි ලංකා රජය ගෙන ඇති තීරණය මගින් ඔවුන්ගේ ජීවිත වලට අනතුරු සිදුවිය හැකි බවයි.
රජය වෙනුවෙන් පෙනි සිටි නීතිඥවරයා අධිකරණය හමුවේ කියා සිටියේ වීසා නොමැතිව මෙරට රැඳී සිටින පුද්ගලයින් පිටුවහල් කිරිමට රජයට අයිතියක් පවතින බවයි.
එමෙන්ම එක්සත් ජාතින්ගේ සංවිධානයේ සරණාගතයින් පිළිබඳ ප්‍රඥප්තියට ශ්‍රි ලංකාව අත්සන් කර නොමැති බැවින් ඒ පිළිබඳ වගකීමක් රජයට නොමැති බව ද රජයේ නීතිඥවරයා පෙන්වා දුන්නේය.
කරුණු සලකා බැලූ ත්‍රිපුද්ගල විනිසුරු මඩුල්ල අදාළ පෙත්සම විභාග කිරිමට තරම් කරුණු නොමැති බව ප්‍රකාශ කරමින් එය ප්‍රතික්ෂේප කළේය.
Post a Comment