බිංගිරිය- වීරපොකුණ, පොල්ලන්දළුව ප්‍රදේශයේ මවක දරු තිදෙනාටද වස පොවා තමන්ද වස පානය කර තිබේ.
තිදෙනාම මේවන විට හලාවත මහරෝහලේ ප්‍රතිකාර ලබන බව අද දෙරණ වාර්තාකරු පවසයි.
අද (30) දහවල් වයස අවුරුදු 7ක හා වයස අවුරුද්දයි මාස 2ක ගැහැණු දරුවන් දෙදෙනෙකුද, වයස අවුරුදු 5ක පිරිමි දරුවෙකුද වස පෙවීම නිසා හලාවත රෝහලට ඇතුළත් කර තිබේ.
ඔවුන් මේවන විට රෝහලේ 11වන වාට්ටුවේ ප්‍රතිකාර ලබන බවත්, දරුවන්ට වස පෙවූ බව කියන මව 5වන වාට්ටුවේ ප්‍රතිකාර ලබන බවත් අද දෙරණ වාර්තාකරු කියා සිටියි.
මෙසේ දරුවන්ට වස පොවා මවද වස පානය කරනු ලැබුවේ කුමන හේතුවක් නිසාද යන්න මෙතෙක් අනාවරණය වී නොමැත.
ප්‍රතිකාර ලබන මවගේ හා එක් දරුවෙකුගේ තත්ත්වය බරපතළ බව රෝහල් ආරංචි මාර්ග පවසයි.
Post a Comment