නාවලපිටිය, හඳුන්ගලවත්ත ප්‍රදේශයේ දී පස් කන්දකට යටවීමෙන් පුද්ගලයෙකු මියගොස් තිබේ.
එම ප්‍රදේශයේ ගෙපළක බැම්මක් ඉදිකරමින් සිටියදී අසළ තිබු පස්කන්දක් කඩා වැටීම හේතුවෙන් මෙම අනතුර සිදුව ඇති බව පොලිසිය පැවසුවේය.
අනතුර සිදුවන අවස්ථාවේ දී එම ස්ථානයෙන් පුද්ගලයින් දෙදෙනෙකු ඉදිකිරීම් කටයුතුවල නිරත වී ඇති බව සඳහන් වෙයි.
පස්කන්දට යටවීම හේතුවෙන් එහි සිටි එක් පුද්ගලයෙකු එම ස්ථානයේ දීම මියගොස් ඇති අතර අනෙක් පුද්ගලයා ප්‍රතිකාර සඳහා නාවලපිටිය රෝහල වෙත ඇතුළත් කර තිබේ.
මියගොස් ඇත්තේ 57 හැවිරිදි නාවලපිටිය කැටබුලාව ප්‍රදේශයේ පදිංචිව සිටි පුද්ගලයෙකි.
සිද්ධිය සම්බන්ධයෙන් නාවලපිටිය පොලිසිය වැඩිදුර විමර්ශන සිදු කරයි.
Post a Comment