ශ්‍රී ලංකාවේ මෙන්ම තුන්වන ලෝකයේ රටවල් කිහිපයකම දුප්පතාගේ ගමනා ගමනය සඳහා භාවිතා කිරීමෙන් තුලින් ජනාදරයට පත්ව ඇති රෝදතුනේ වහනයක් වන "බජාජ් ත්‍රීරෝද " රථය නව මුහුණුවරකින් නිෂ්පාදනය කිරීමට ඉන්දියා මෝටර් රථ නිෂ්පාදන සමාගම සැරැසෙයි.
ශ්‍රී ලංකාවේ භාවිතා වන්නේ බජාජ් රථයේ එක මෝස්තරයෙන් පමණක් වුවද රෝද තුනේ වෙනත් මොස්තරයන්ගේ රථ වාහන කිහිපයක්ම වෙළඳ පොළේ ඇත.බජාජ් සමාගම රෝද තුනේ රථය වෙනුවට අලුතෙන් නිෂ්පාදනය කරනුයේ රෝද හතරක වාහනයකි. කෙසේනමුත් එහි එන්ජිමෙහි වෙනසක් සිදුකර නොමැත.
මෙනිසා ඔවුන් කියන්නේ මෙය මෝටර් රථයක් නොවන බවයි. බජාජ් සමාගමේ ප්‍රධාන නිෂ්පාදනය වන්නේ මෝටර් බයිසිකල් ය.රෝද හතරේ වාහනය සඳහා ද යොදා ගැනෙනුයේ මෝටර් බයිසිකල් එන්ජීමකි.අලුතෙන් නිෂ්පාදනය කරන රෝද හතරේ රථය දිගින් මිලි මීටර් 2752 ක්ද පළලින් මිලි මීටර් 1312 ක්ද උසින් මිලි මීටර් 1650ක්ද වෙයි. පසුපස සවිකර ඇති එන්ජිමේ බලවේගය අශ්වබල 200කි.
රථයේ උපරිම වේගය පැයට කිලෝ මීටර් 70ක් වෙයි.නව රෝද හතරේ වාහනයේ එන්ජිම නිර්මාණය කිරීමේදී ඉන්දන භාවිතය සහ අහිතකර වායුව පිටකිරීම සම්බන්ධයෙන් විශාල වෙනසක් සිදුකර ඇතිනිසා එය පරිසර හිතකාමී වාහනයක් බවද රෝද තුනේ වාහනයට වඩා මගී ආරක්ෂාව සහ අරපරෙස්සම සහිත වාහනයක් බවද බජාජ් සමාගම පවසයි.
අත්හදා බැලීම සඳහා මෙම වාහනය දැනටමත් බජාජ් සමාගමේ ශ්‍රී ලංකා වෙළඳ නියෝජිතයින් වෙත සපයා ඇත. බජාජ් සමාගම ඇස්තමේන්තු කර ඇත්තේ මෙම රථය බද්දට පෙර රුපියල් 2,75,000 සිට 3,00000 දක්වා මිලකට අලෙවිකළ හැකි බවයි.ලෝකය වටා විවිධ රටවලින් බජාජ් රෝද තුනේ වාහනය සඳහා ඇති ඉල්ලුම පහත වැටී ඇති නිසා රෝද හතරේ වාහනය හඳුන්වා දීමට අදහස් කල බව බජාජ් සමාගම කියයි.
Put the internet to work for you.
.jpg)
Post a Comment