ප්‍රධාන බන්ධනාගාර සහ රීමාන්ඩ් බන්ධනාගාර තුළ සිදුකරන හදිසි සෝදිසි වැටලීම් අඛණ්ඩව සිදුකරන ලෙස අධිකරණ අමාත්‍ය විජයදාස රාජපක්ෂ මහතා අදාළ නිලධාරීන්ට උපදෙස් ලබාදී තිබේ.
සිරකරුවන් විසින් අයථා අන්දමින් භාවිත කරන ජංගම දුරකථන සහ මත්ද්‍රව්‍ය භාවිතයන් වැළැක්වීමේ අරමුණින් මෙම ක්‍රියාමාර්ගය ගෙන ඇති බව සඳහන්ය.
ඒ අනුව මෙම වසරේ ආරම්භයේ සිට අප්‍රේල් දක්වා වු කාලය තුළ සිදුකළ වැටලීම්වලදී ජංගම දුරකථන 73ක්, සිම්පත් 54ක්, ගංජා ග්‍රෑම් එකක් සහ හෙරොයින් පැකට් 7ක් සොයාගැනීමට හැකි වී ඇති බව බන්ධනාගාර දෙපාර්තමේන්තුව පැවසුවේය.
රැඳවියන්ගේ සුවදුක් බැලීම සඳහා පැමිණෙන ඇතැම් පුද්ගලයින් විසින් මෙම තහනම් ද්‍රව්‍ය රැගෙන ඒම සඳහා විවිධ උපක්‍රම අනුගමනය කරන බවට අනාවරණය වී ඇති අතර එවැනි අයථා ක්‍රියාවන් සඳහා දායක නොවන ලෙස ද එම දෙපාර්තමේන්තුව ඉල්ලා සිටියි.
Post a Comment